Canolfan Gelfyddydau amlbwrpas sy’n rhan o DNA Aberteifi

Mae creadigrwydd, celfyddydau a diwylliant yng ngwaed Aberteifi. Mwldan sydd wrth ei galon. Yn ganolfan fywiog i’r celfyddydau, ac yn elusen gofrestredig annibynnol, rydym wedi bod yn dathlu’r lleol a’r byd-eang ers 1983. Gyda rhaglen fywiog drwy gydol y flwyddyn o berfformiadau byw a rhaglen ffilm amrywiol ar draws ein tair sgrin, rydym yn croesawu dros 250,000 o bobl y flwyddyn drwy ein drysau yma yn Aberteifi, gyda llawer mwy yn profi ein gwaith trwy ein cynyrchiadau teithiol a recordiau wedi eu rhyddhau ledled y byd.