Mae Cinderella Matthew Bourne yn stori gariad wefreiddiol ac atgofus wedi ei gosod yn Llundain yn ystod yr Ail Ryfel Byd. Yn y bôn, mae dehongliad y coreograffwr rhyngwladol enwog o’r stori dylwyth deg yn rhamant wir adeg y rhyfel. Mae cyfarfod ar hap yn arwain at noson hudolus i Cinderella a’i pheilot golygus ifanc, gyda’i gilydd yn ddigon hir i syrthio mewn cariad cyn cael eu gwahanu gan erchyllterau’r Blitz. Caiff y dangosiad dawns arbennig hwn ei ddilyn gan sesiwn Holi ac Ateb gyda Matthew Bourne ar gyfer sinemâu’n unig.