Other Voices Cardigan / Lleisiau Eraill Aberteifi 2024
PRYNWCH EICH BAND ARDDWRN ISOD!
Heb fod o'r blaen? Darllenwch isod cyn prynu...
Yn dilyn digwyddiad hynod lwyddiannus yn 2023, mae bandiau arddwrn bellach ar werth ar gyfer pumed Lleisiau Eraill Aberteifi, gŵyl gerddoriaeth a syniadau Cymru-Iwerddon a ysbrydolwyd gan y gyfres gerddoriaeth Wyddelig enwog, a fydd yn cael ei chynnal yn Aberteifi dros benwythnos 31ain Hydref – 2il Tachwedd eleni.
Dros dridiau, bydd Lleisiau Eraill Aberteifi yn rhoi llwyfan i lein-yp gwych arall o ddigwyddiadau cerddorol a diwylliannol mewn lleoliadau cartrefol a gofodau llawn naws ledled Aberteifi, gyda Huw Stephens wrth y llyw ac wedi’u cyflwyno mewn partneriaeth â’r Mwldan a Triongl.
Caiff rhaglen yr ŵyl ei ffurfio gan dri llinyn craidd: rhaglen dridiau y Llwybr Cerdd sy’n arddangos y talentau gorau sy’n dod i’r amlwg o Iwerddon a Chymru, deuddydd o drafodaeth ysbrydoledig fel rhan o’r Sesiynau Clebran a’r nosweithiau o brif berfformiadau byw cartrefol yn Eglwys y Santes Fair gan rai o leisiau mwyaf disglair y byd cerddoriaeth.'
Beth sy’n cael ei gynnwys gyda fy mand arddwrn?
Bydd eich band arddwrn yn rhoi mynediad i chi i ddigwyddiadau’r Llwybr Cerdd ar draws y dref a'r sesiynau Clebran am ein pris cynnar o £35 yn unig. Mae'r pris yn codi i £50 ar 1af Gorffennaf. Bydd nifer cyfyngedig o fandiau arddwrn ar gael i bobl dan 18* am £10. *Cyfeiriwch at y lleoliadau unigol am eu polisïau mewn perthynas â phobl dan 18 mewn mannau trwyddedig. Nad ydym yn cynnig ad-daliad ar docynnau. Bydd y prif berfformiadau byw yn Eglwys y Santes Fair yn cael eu ffilmio ar gyfer y teledu mewn amgylchedd caeedig ac fel yn achos holl ffilmio Lleisiau Eraill, ni ellir prynu tocynnau ar gyfer y ffilmio. Mae prynu band arddwrn yn eich cynnwys yn y raffl i ennill tocynnau a bod yn rhan o'r gynulleidfa ar gyfer y perfformiadau arbennig hyn. Prynu band arddwrn yr ŵyl yw eich ffordd orau o sicrhau mynediad i sioe yn Eglwys y Santes Fair. Mwy am hyn yma. Mae digwyddiadau Eglwys y Santes Fair hefyd yn cael eu ffrydio’n fyw yn gydamserol i sgrin sinema yn y Mwldan. Cewch fynediad i’r rhain gyda’ch band arddwrn Llwybr Cerdd. Maen nhw hefyd yn cael eu ffrydio'n fyw ar-lein ledled y byd ar y noson drwy YouTube Other Voices a sianeli cymdeithasol eraill. Mae capasiti yn gyfyngedig ar draws yr holl leoliadau, felly bydd mynediad ar y noson yn cael ei ddyrannu ar sail y cyntaf i'r felin. Gellir cyfnewid eich cadarnhad archeb am eich band arddwrn yn hwb gŵyl Lleisiau Eraill Aberteifi a fydd yn agor yn y Mwldan yn ystod wythnos yr ŵyl. Caiff rhagor o wybodaeth am y rhaglen a mynediad i'r digwyddiad ei hanfon allan yn y misoedd nesaf cyn y digwyddiad. Ymunwch â’n rhestr bostio a dilynwch ni ar y cyfryngau cymdeithasol @othervoiceslive @theatrmwldan am fanylion wrth iddynt gael eu cyhoeddi. Am ragor o wybodaeth gweler www.othervoices.ie Noder, trwy brynu tocyn ar gyfer Lleisiau Eraill Aberteifi, rydych yn rhoi caniatâd i'ch delwedd gael ei chynnwys yn ein sioe deledu a deunyddiau ffotograffig. Bydd ein tîm cynhyrchu yn ffilmio ar draws Aberteifi a lleoliadau’r ŵyl drwy gydol dyddiadau’r ŵyl. Mae eich cyfranogiad yn cydnabod eich bod yn caniatáu cynnwys llun ohonoch yn ein sioe deledu a'n harchifau ffotograffiaeth. Mae hyn yn cynnwys, ond heb fod yn gyfyngedig i, lluniau o’r dorf, ymateb y gynulleidfa, a rhyngweithiadau â pherfformwyr a gweithgareddau gŵyl. Rydym yn eich sicrhau y bydd eich preifatrwydd a'ch hawliau yn cael eu parchu, a bydd eich delwedd yn cael ei defnyddio at ddiben dogfennu a hyrwyddo Lleisiau Eraill Aberteifi yn unig. Os oes gennych unrhyw bryderon neu os hoffech drafod ymhellach, cysylltwch â ni yn info@othervoices.ie.
