Ymunwch â dathliad pen-blwydd nodedig Mugenkyo yn 30 oed, gyda sioe arbennig iawn o guriadau mawr, rhyfeddodau gweledol ac egni hanfodol.

Gan fynd â’r gynulleidfa ar daith ‘drwy amser’, dyma i chi siwrnai wefreiddiol ar hyd eu 30 mlynedd. Mae’r cyngerdd yn brofiad theatrig cyflawn, gyda choreograffi deinamig a rhythmau nerthol yn cyferbynnu â seinweddau llawn naws.

Mae Mugenkyo, sef grŵp taiko mwyaf hirsefydlog Ewrop, a gydnabyddir yn eang fel arloeswyr sy’n torri tir newydd yn y ffurf gelfyddydol gyffrous hon, gan wefreiddio cynulleidfaoedd mewn miloedd o berfformiadau ledled y byd, bellach yn dychwelyd gyda’u taith fawr gyntaf yn y DU ers bron i bum mlynedd.

Yn y cyfamser, mae Mugenkyo wedi bod yn brysur ar brosiectau fel cydweithio ar y “World of Gods” uchelgeisiol gyda Cherddorfa Jazz Genedlaethol yr Alban, ffilmio ar gyfer y ffilm Hollywood “Tin Soldier” yng Ngwlad Groeg gyda Jamie Foxx a Robert DeNiro, pythefnos yn Expo’r Byd yn Dubai, Gemau Olympaidd Tokyo gyda Theledu’r BBC, 26 dyddiad yn yr Adelaide Fringe, y prosiect safle-benodol “Fire & Light”, gweithdai a pherfformiadau ar-lein rheolaidd, ynghyd ag ailadeiladu eu stiwdio breswyl bwrpasol.

Yn 2024, maen nhw’n dychwelyd i deithio gyda pherfformiad gwefreiddiol a dyrchafol o ddawn, stamina ac enaid, jyst ‘mewn pryd’ ar gyfer y parti Pen-blwydd arbennig hwn! Peidiwch â'i golli!

£27 (£24 o dan 18 oed)