CYNHYRCHIAD Y MWLDAN

Ar ôl absenoldeb o 16 mlynedd, dychwelodd Kroke, y triawd o Wlad Pwyl i’r DU yn 2023 i roi profiad cerddorol byw rhyfeddol i gynulleidfaoedd hen a newydd a arweiniodd at y gynulleidfa’n codi ar ei thraed mewn cymeradwyaeth ar sawl achlysur, gan wneud hynny mor gynnar â’r egwyl. Gan gyflwyno cymysgedd godidog o gerddoriaeth fodern Bwylaidd, klezmer, jazz cyfoes a cherddoriaeth glasurol siambr, mae celfyddyd Kroke yn herio genres. At hynny, mae’n dal i fod ar ei hanterth ar ôl gyrfa syfrdanol dros 30 mlynedd sydd wedi denu sylw gan artistiaid enwog a chynulleidfaoedd ledled y byd, ac wedi arwain at gydweithio gyda rhai fel Nigel Kennedy, Steven Spielberg a Peter Gabriel. Wedi'i ffurfio ym 1992 gan dri o raddedigion yr Academi Gerddoriaeth yn Krakow, mae Kroke (Iddeweg am Kraków) yn dychwelyd i'r DU yn 2025 i roi perfformiad o’r 'goreuon' o'u traciau mwyaf poblogaidd. Disgwyliwch ddylanwadau o fydoedd jazz, cerddoriaeth gyfoes ac ethnig wedi’u trwytho â’u gwaith byrfyfyr syfrdanol eu hunain, y cyfan wedi’i lapio mewn arddull unigryw’r triawd sy’n cyflwyno gwledd gerddorol fythgofiadwy.

£20 (£18)